اکثر ایسا ہوتا ہے کہ ہم ویب پیجز لوڈ کرنے، ویڈیوز چلانے یا ایپس اوپن کرنے کی کوشش کرتے ہیں مگر انٹرنیٹ اتنا سست ہوتا ہے کہ کام رک جاتا ہے۔ سست انٹرنیٹ نہ صرف ڈاؤن لوڈز اور اپ لوڈز کو متاثر کرتا ہے بلکہ ویب سائٹس دیر سے اوپن ہوتی ہیں اور ویڈیوز بھی بار بار رک جاتی ہیں۔

خوش قسمتی سے اینڈرائیڈ فونز میں کچھ ایسے آسان ٹولز اور ٹرکس موجود ہیں جن سے انٹرنیٹ کی رفتار بہتر بنائی جا سکتی ہے۔

1۔ ائیرپلین موڈ سے کنکشن ری سیٹ کریں

اسمارٹ فونز میں ائیرپلین موڈ عام طور پر ریڈیو سگنلز کو بند کرنے کے لیے استعمال ہوتا ہے، مگر یہی فیچر انٹرنیٹ اسپیڈ بڑھانے میں بھی مدد دیتا ہے۔

جب آپ مسلسل حرکت میں رہتے ہیں تو فون بہترین موبائل ٹاور سے کنکٹ نہیں رہ پاتا۔

ائیرپلین موڈ کو چند سیکنڈز کے لیے آن کرکے دوبارہ آف کریں—اس سے موبائل ٹاور کے ساتھ کنکشن ری سیٹ ہوجاتا ہے، اور اکثر انٹرنیٹ رفتار بہتر ہوجاتی ہے۔

2۔ ایپس کا cache کلیئر کریں

ایپس اور ویب سائٹس کے استعمال سے فون میں cache فائلز جمع ہوتی رہتی ہیں۔

اگر یہ فائلز زیادہ ہوجائیں تو ڈیوائس کی مجموعی کارکردگی، خصوصاً انٹرنیٹ اسپیڈ، متاثر ہوتی ہے۔

اسے ٹھیک کرنے کے لیے:

Settings → Apps → App info → Storage → Clear cache

اس عمل کے بعد نہ صرف انٹرنیٹ بہتر چلتا ہے بلکہ فون کی پرفارمنس بھی بہتر محسوس ہوتی ہے۔

یہ دونوں ٹرکس آسان بھی ہیں اور فوری اثر بھی دکھاتی ہیں، اس لیے اگر آپ کا انٹرنیٹ بار بار سست ہوتا ہے تو انہیں ضرور آزمائیں۔