کراچی: کم عمر لڑکے کی بس چلانے پر بھاری جرمانہ

کراچی کے علاقے ڈیفنس میں کم عمر لڑکے کی جانب سے مسافر بس چلانے کی ویڈیوز اور تصاویر سوشل میڈیا پر وائرل ہونے کے بعد حکام نے کارروائی کی ہے۔

ڈی آئی جی ٹریفک نے فوری نوٹس لیتے ہوئے ایس ایس پی ٹریفک ساؤتھ کو بس ضبط کرنے کا حکم دیا تھا۔ اب کم عمری میں بس چلانے پر لڑکے پر 50 ہزار روپے کا ای چالان بھی جاری کیا گیا ہے۔

حکام کا کہنا ہے کہ یہ کارروائی نہ صرف قانون کے نفاذ کے لیے ضروری تھی بلکہ شہریوں کی حفاظت کے لیے بھی اہم قدم ہے۔