کوئٹہ: کور کمانڈر بلوچستان نے یونیورسٹی آف بلوچستان کے طلباء اور اساتذہ کے ساتھ خصوصی نشست میں صوبے کی ترقی، امن و امان اور نوجوانوں کے مثبت کردار پر تفصیلی گفتگو کی۔

ملاقات کے دوران طلباء نے مختلف موضوعات پر سوالات کیے، جن کے جامع اور مدلل جوابات دیے گئے۔ کور کمانڈر نے نوجوانوں کو ملکی ترقی میں فعال کردار ادا کرنے کے لیے مثبت سوچ اور محنت و نظم و ضبط اپنانے کی ترغیب دی۔

انہوں نے تعلیم کو قومی ترقی کی بنیاد قرار دیا اور بلوچستان کے نوجوانوں کی صلاحیتوں پر زور دیا۔ طلباء نے اس نشست کو نہایت مفید قرار دیا اور پاک فوج کے اقدامات کی تعریف کی، ساتھ ہی کہا کہ ایسی نشستیں اعتماد، ہم آہنگی اور اداروں کے ساتھ مضبوط رابطے کا ذریعہ بنتی ہیں۔

کور کمانڈر کی گفتگو نے نوجوانوں میں حوصلہ افزائی اور مستقبل کے لیے مثبت سوچ کو مزید مضبوط کیا۔ یہ اقدامات بلوچستان کی ترقی اور نوجوان نسل کے ساتھ مسلسل رابطے کے عزم کی عکاس ہیں۔