اسلام آباد: وزیراعظم کے مشیر رانا ثناء اللہ نے ایک انٹرویو میں دعویٰ کیا ہے کہ سابق آرمی چیف جنرل قمر جاوی باجوہ نے ایک ملاقات کے دوران سابق ڈی جی آئی ایس آئی فیض حمید سے کہا کہ رانا ثناء اللہ بہت موٹے ہو گئے ہیں، انہیں دوبارہ "اسمارٹ" بنایا جائے۔

رانا ثناء اللہ کے مطابق یہ ملاقات بانی پی ٹی آئی عمران خان کے دور میں ہوئی، جب معاملات فیض حمید، جنرل باجوہ اور بانی پی ٹی آئی کی مرضی سے چل رہے تھے۔ انہوں نے مزید کہا کہ ایسا ممکن ہی نہیں کہ کوئی حاضر سروس افسر آرمی چیف کی مرضی کے بغیر کوئی جھوٹا مقدمہ بنائے اور اگلے دن اس کا کورٹ مارشل نہ ہو۔

رانا ثناء اللہ نے بیان دیا کہ بریفنگ کے دوران جنرل باجوہ نے فیض حمید سے کہا:

"رانا بہت موٹے ہو گئے ہو، جیل میں بہت اسمارٹ تھے، فیض، رانا صاحب کو دوبارہ اسمارٹ بناؤ۔"

اس پر رانا ثناء اللہ نے جنرل باجوہ کو جواب دیا:

"مجھے مقدمہ آپ نے ہی بنوایا، اللہ اس دنیا ہی میں اس کا حساب کرے گا۔"

یہ بیان سیاسی اور عسکری حلقوں میں دلچسپی کا باعث بنا ہوا ہے، اور اس پر مختلف حلقوں سے ردعمل سامنے آ سکتے ہیں۔